2026 жылдың 10 наурызында ШЖҚ «МТҚБ Инженерлік орталығы" РМК жұмыскерлері үшін "Аманат" партиясы ұйымдастырған "Қарызсыз қоғам" жобасы аясында маңызды қаржылық сауаттылық семинары өтті. Семинарды партияның Астана қаласы бойынша менторы, қаржы сарапшысы Д.Т. Мынбаев жүргізді.
Іс-шараның басты мақсаты – қызметкерлердің қаржылық сауаттылығын арттыру, оларға жеке қаржыны тиімді басқару, дұрыс жоспарлау және несиелік тәуекелдерді азайту бойынша білім мен дағдыларды беру болды. Д.Т. Мынбаев өз баяндамасында бюджетті құру, салымдарды ашу, инвестициялаудың негіздері, сондай-ақ қарыздардан қалай құтылу және олардың пайда болуын болдырмау жолдары туралы құнды ақпараттармен бөлісті.
Семинарға қатысушылар белсенділік танытып, қаржылық жоспарлау, несиелік басқару және жеке бюджетті жүргізу бойынша өздерін қызықтырған сұрақтарын қойды. Сарапшының жауаптары жан-жақты әрі практикалық тұрғыда болды, бұл қызметкерлерге өз қаржыларына деген жауапкершілікті арттыруға ықпал етті.
"Қарызсыз қоғам" жобасы еліміздегі азаматтардың қаржылық жағдайын жақсартуға бағытталған маңызды бастама болып табылады. ШЖҚ «МТҚБ Инженерлік орталығы" РМК қызметкерлері үшін осындай семинардың өткізілуі, олардың қаржылық тұрақтылығын арттыруға және қоғамның жалпы қаржылық денсаулығын нығайтуға елеулі үлес қосады.
