Қасиетті Наурыз мерекесі қарсаңында, біздің ұйымымызда мерекелік жай-күй орнап, әрбір құрылымдық бөлімше өз кабинеттерін ерекше көктемгі реңктермен әсемдеді. Ұжымның бірлігі мен жарастығын айшықтай, әрбір бөлімшеде мерекелік дастархан жайылып, қызметкерлер бір-біріне қонаққа барып, дәстүрлі наурыз көжеден дәм татты. Бұл тамаша дәстүр, адамдар арасындағы сыйластықты нығайтып, командалық рухты арттыруға септігін тигізді.
Атап өтерліктей, биылғы жылы біздің ұйым Президент Іс басқармасы ұйымдастырған "Наурыз дастарханы" байқауында жүлделі 2-орынды иеленді! Бұл жеңіс – біздің ұжымның шығармашылық еңбегі мен командалық жұмысының жоғары бағаланғанының айғағы. Біз бұл табысымызды мақтан тұтамыз және алдағы уақытта да жоғары жетістіктерге жететінімізге сенеміз!
Наурыз мерекесі, жаңа бастамалар мен жетістіктердің символы. Біздің ұйымдағы бұл мерекелік атмосфера, баршамызға жаңа күш-жігер беріп, алға жетелеуде.
