Цифрландыру және ақпараттық технологиялар қызметкерлері күніне орай Материалдық-техникалық қамтамасыз ету басқармасының Инженерлік орталығының қызметкерлері кәсіби мерекелерін атап өтті. Осыған орай цифрлық технологиялар саласындағы үздік мамандардың еңбегі жоғары бағаланып, арнайы марапаттар табысталды.
Қазақстан Республикасының Цифрлық даму, инновациялар және аэроғарыш өнеркәсібі министрлігінің ведомстволық наградасы – «Үздік цифрландырушы» төсбелгісімен ИО директордың орынбасары Нығыметова Гүлнәр Амантайқызы, әкімшілендіру және жедел қызмет көрсету қызметінің басшысы Қабанбаев Аслан Әлібекұлы марапатталды.
Салтанатты жиын барысында кәсіпорын басшылығы цифрландыру мен ақпараттық технологиялар саласының еліміздің дамуына қосқан үлесін ерекше атап өтті. Ұжым мүшелеріне цифрлық жүйелерді дамытудағы қажырлы еңбектері үшін алғыс білдірді.
Мерекелік шара аясында цифрлық жобалардың жетістіктері туралы қысқаша баяндама жасалып, қызметкерлердің кәсіби біліктілігін арттыру және жаңа технологияларды енгізу бағытындағы жоспарлар талқыланды.
