2024 жылғы 24 қазанда ұлттық мереке – Республика күніне орай Материалдық-техникалық қамтамасыз ету басқармасының Инженерлік орталығында салтанатты жиын өтті. Ол ел егемендігінің маңыздылығын ұлықтауға және еңбек ұжымының жетістіктерін атап өтуге арналды. Іс-шара барысында кәсіпорынның үздік қызметкерлері марапатталды.
Инженерлік орталықтың директоры Манат Искаков қызметкерлерге Қазақстан Республикасы Парламенті төрағасының, Аппарат басшыларының, сондай-ақ ҚР Президенті Іс басқармасы мен Материалдық-техникалық қамтамасыз ету басқармасы атынан марапаттар табыстады. Сонымен қатар кәсіпорын директорының атынан да қызметкерлердің еңбегі жоғары бағаланып, алғыс хаттар мен құрмет грамоталары берілді.
Салтанатты жиын барысында кәсіпорын басшылығы ұлттық мерекенің маңыздылығын атап өтіп, еліміздің тәуелсіздігі мен бірлігін нығайтуда әрбір азаматтың еңбегі ерен екенін жеткізді.
