Материалдық-техникалық қамтамасыз ету басқармасының Инженерлік орталығы 2024 жылғы 2 қазанда Қарттар күніне орай мәдени іс-шара ұйымдастырды. Ардагерлер мен қарттарға құрмет ретінде «Астана Опера» опера және балет театрында сахналанатын «Бақшасарай фонтаны» спектакліне арнайы шақыртулар табысталды.
Кеш барысында қонақтарға көркем қойылым ғана емес, гүл шоқтары табысталып, жылы лебіздер айтылды. Бұл шара – қоғамның алтын қазынасы саналатын қарттарды сыйлау және оларға алғыс білдіру дәстүрінің жарқын көрінісі.
Іс-шараға келгендердің айтуынша, бұндай мәдени кештер жанға тыныштық пен ерекше ләззат сыйлайды. «Бақшасарай фонтаны» қойылымының сыршыл атмосферасы қарттардың жүрегіне қуаныш сыйлап, оларды өнер әлемінің сиқырлы құшағына бөледі.
Бұл бастама қарттарға көңіл бөліп, олардың өмірін жарқын сәттермен толықтыруға бағытталған. Инженерлік орталық осындай шараларды игі дәстүрге айналдырып, жыл сайын тұрақты түрде ұйымдастырып келеді.
