Қатысушылар Қосшыға қарай айналма веложолдан бастап 25 қашықтықты жүріп өтіп, «Жасыл белдеу» аумағында Үркер тұрғын алабына қарай аяқтады.Жарысқа велосипедпен кез-келген жастағы әуесқой спортшы қатысты.
Іс-шараның ашылуына Астана қаласы әкімінің орынбасары Бан Бекмұрзаев, ҚР Индустрия және инфрақұрылымдық даму вице-министрі Ілияс Оспанов, ҚР Сыртқы істер министрлігі комитетінің төрағасы Жан Ғалиев қатысып, барлығын келе жатқан мерекемен құттықтады.
Іс-шараға 400-ден астам қала тұрғыны қатысты, оның ішінде Франциядағы велоспорттан VIRTUS дүниежүзілік ойындарында 4 күміс медаль жеңіп алған Дастан Ордабай да болды. Қатысушылар арасында ШЖҚ-дағы «МТҚБ инженерлік орталығы» РМК-ның қызметкерлері Жұмабеков Жаслан Каркынұлы, Иманқұлов Азат Әнуарбекұлы және бұрынғы әріптесіміз Саят Токсанбаев болды.
